Еске салайық, 8 маусымда Мәскеудегі сот Дағыстанның экс-премьер-министрінің ұлы Муртузали Меджидовты қазақстандық қызды өлтірді деген айыптан ақтады. Бір күн бұрын алқабилер де кінәлі емес деп үкім шығарды.
Яворский – қайтыс болған Томиристің анасы Жанна Ахметованың адвокаты. Адвокаттың сөзіне қарағанда, қазір әйел алқабилер шешіміне қатты таңғалды. Бұл істі жүргізген тергеу өкілдері де есеңгіреп қалды.
«Сотталушының сотта берген айғақтары оның бұрын бергендерімен сәйкес келмейді. Сотталушы айғақтарын үш рет өзгертті», – деді Яворский.
Адвокаттың айтуы бойынша, қыз өзінің күнделігін жүргізіп, онда ХҚММИ-ны бітіргісі келетінін, Меджидовты жіберіп, ұмытқысы келетінін жазған. «Оның ажырасу ойы болған жоқ. Ол өмір сүргісі келетінін, көңілді адам болғанын жазды», – деді Яворский.
«Оқу орнында Томирис Муртузали Меджидовпен кездесті. Олар бір-біріне ұнады. Осыдан кейін олар екі жылға жуық кездесті. Қазақстанға келгенде қоңырау шалып, үнемі қызғаныш танытты. Одан әрі ол өз өмірімен өмір сүрді. Уақыты келіп, ол басқа жігітпен кездеседі. Оның есімі Вадим. Онымен бірге кинотеатрға барған. Меджидов бұл туралы біледі, сабақтан кейін олар аудиторияда ұрысады», – деді адвокат.
Айыпталушы тарап марқұмның анасымен кездеспегені белгілі болды. Қыз қайтыс болған кезде оның денесі Нұр-Сұлтанға әкелінді.
«Мен үшін олардың тіпті кешірім сұрамағаны және қыздың анасымен кездеспегені өте таңғаларлық жағдай болды», – деді Яворский.
