Алматтың немересінің жасы небәрі екіде. Ол әлі сөз түсінбейтін болғандықтан, актер оның арбасына кәдімгі темір балта салып алып қыдыртқан.
«Тереземнің арғы жағынан автоматтар атылып, гранаттар жарылып жатты, өртенген көлік, айғайлаған адамдардың дауысы. «Әй дейтін әже жоқ, қой дейтін қожа жоқ». Үш күн бойы баскесерлер ойына келгенін жасады. Кішкентай немеремді үйдің маңайына қыдыртушы едім. Далаға шықпайын десем, ол түсінбейді. Мен көшеге өмірімде бірінші рет өз туған жерімде, Қазақстанның ең мықты қаласының ортасында немеремнің арбасына балта салып алып шықтым ғой. Жаныма батқаны осы. Осындай күнге жеттік», — деп жазды Алмат Сақатов.
Ол қарулы бүлікшілерден елді қорғау үшін мықты әскер керек екенін де айтты.
Елді қорғау үшін мықты әскер қажет. 18 жасқа толған әр қазақ жігіті әскерге баруы керек. Екі жыл әскер қатарында отан алдындағы борышын өтеуі керек,
