Актер «сексуальная» сөзін аударған тележүргізуші туралы: «Есалаңдау адам енді»
Алмат Сақатов және Диана Қырықбай / instagram
Танымал актер Алмат Сақатов «сексуальная» сөзінің қолайсыз аудармасын айтқан тележүргізушіні есалаң адамға теңеді.
Актердің пікірінше, ондай рухани мүгедек адамдарға ренжудің қажеті жоқ, деп жазады Экспресс К.
Алмат Сақатов бұл туралы пікірін айтқан видеоны өзінің Instagram-дағы парақшасында жариялады.
«Сексуальный» деген сөзді аударғаны үшін бір қызды жерден алып, жерге салып жатыр. Расымен де есалаңдау, басы істемейтін адам енді. Қайтесіздер Ондай сөзді мен айтпаймын, ондай сөзді сіздер айтпайсыздар. Сондықтан да сөз қылып, оны атақты етіп жатырсыздар. Не қыласыздар? Оны ұмытып кету керек… Сондықтан да «атың шықпаса жер өрте» деген нәрсе бар. Енді миы жетпеген соң қайтеміз енді. Ол қазақ қоғамындағы дұрыс емес нәрселер ғой. Сондықтан ондай рухани мүгедектерге ренжуге болмайды. Одан да үлкен басқа да проблемалар жетеді ғой», — дейді актер.
Оқи отырыңыз:
Желі қолданушылары өнер иесінің бұл пікірін қолдап отыр.
«Иә, дұрыс айтасыз. Өзіміз сондайлардың атын шығарып отырмыз…», «Рухани мүгедек деп қалай тауып айтқансыз», «Мәдениет министрлігі не қарап отыр? Бір шара қолдануы керек қой», «Сондай тақырыпты қозғайтын қыздың ата-анасы, бауырлары бар ма екен? Ұят дегенді білмей өскен жастардан Құдай сақтасын», «Сол рухани мүгедектердің көбейіп жатқаны алаңдатады» деп жазды желідегілер.
Еске салсақ, бұған дейін танымал тележүргізуші Диана Қырықбай «сексуальная» сөзінің қазақша аудармасы «сігісімді» деп, көптің қызу талқысына түскен болатын.
