https://turkystan.kz/article/260397-akter-zerar-deparde-sottaldy
Париж соты Жерар Депардьені екі әйелге сексуалдық зорлық-зомбылық жасағаны үшін кінәлі деп таныды. Оған 18 ай шартты түрде бас бостандығынан айыру жазасы тағайындалды. Бұл туралы euronews.com жазды.
76 жастағы актер 2021 жылы фильмнің түсірілімінде 54 жастағы декоратор әйелге және 34 жастағы ассистентке тиіскені үшін сот алдында жауап берді.
Бұл іс Францияда #MeToo қозғалысынан кейінгі мәдениет пен кино саласындағы жыныстық зорлық-зомбылыққа көзқарасты көрсететін маңызды сынақ ретінде қарастырылды.
Депардье тағылған айыптарды жоққа шығарып, өзін «ондай адам емеспін» деп сипаттады. Ол түсірілім кезінде дөрекі, сексуалдық сипаттағы сөздер айтқанын және бір жанжал кезінде қоюшы-суретшіні белінен ұстағанын мойындады. Алайда оның айтуынша, бұл әрекеттерінде сексуалдық сипат болмаған.
Кейбір француз кино майталмандары актерді қолдап, сот залына келді. Олардың қатарында Венсан Перес пен Фанни Ардан да болды.
Жалпы алғанда, 20-дан астам әйел Депардьені қоғам алдында немесе ресми арыздар арқылы қатыгез және орынсыз мінез-құлыққа барды деп айыптаған. Алайда тек бір ғана іс сотқа дейін жетті. Қалғандары дәлелдің жеткіліксіздігіне немесе мерзімінің өтіп кетуіне байланысты жабылған.
Болжам бойынша, жақын болашақта актер тағы да сот істеріне тартылуы мүмкін.
