Түрлі сала мамандары, студенттер, жалпы жастардан құралған футбол командасы әркез аудан намысын қорғап жарыстарға шығып жүреді. Дәстүрдегі жарыстың бірі — Тараз қаласындағы лига.![]()
2024 жылдың аяғында аудан әкімі жанындағы жастар ісі жөніндегі Кеңес отырысында жоғарыда айтылған футбол командаларына демеушілік көрсету бойынша сұраныс айтқан болатынмын. Аудан әкімі Сәкен Үмбетұлы оң жауап беріп, мәселені қалдырмай, нәтижесінде біздің жігіттерге қажетті демеушілік көрсетілді.Осы лига аясында күз айларынан арнайы дайындық жұмыстарын жасау үшін №26 Балалар жасөспірімдер спорт мектебінің директоры Серік Мнәжатұлы жастар үшін Спорт кешенінен арнайы уақытты кестеге енгізіп берді.
Мен өзімнің, командадағы жігіттердің, жалпы жастардың атынан қолдау білдірген ағаларымызға шынайы алғыс білдіремін!
Жастар түрлі жамандықтың арбауында кетпес үшін, білім, спорт өзге де пайдалы бағыттарға бет бұратын орталардың көбейгені жақсы. Орталарға қажеттілігіне қарай, көмегін көрсететін аға буынның болғаны одан да жақсы.