Бүгін қала әкімі Бақытжан Орынбеков Тараз қаласындағы бірқатар нысандарды аралады. Алдымен шаһар басшысы 15 шағын ауданындағы көппәтерлі тұрғын үйлердің құрылысымен танысты. «Ұлы Дала» аумағында жүргізіліп жатқан инфрақұрылым жұмыстарын бақылап қайтты.
Мердігерлермен кездесіп, құрылыс жұмыстарын сапалы және бекітілген мерзіміне сай орындауды тапсырды.
Бақытжан Әмірбекұлы қаладағы жаңадан бой көтеріп жатқан қос білім ұясына барды. Қала басшысы «Арай», «Барысхан» тұрғын алқаптарындағы 600 орындық мектептердің жай-күйін көріп, жауаптыларға құрылыс жұмыстарын уақытылы орындауды жүктеді.
Сондай-ақ, шаһар басшысы «Көне-Тараз» тарихи — этномәдени кешеніне барып, аталған нысанды жылумен қамту мәселесін талқылады.
Қала басшысы нысандарды аралау барысында көтерілген әр мәселені өз бақылауына алып, шешу жолдары қарастырылатынын айтты.
