Көктем келді! Табиғаттың оянуы қардың еруімен, құстардың жылы жақтан ұшып келуімен және бәйшешектердің алғашқы гүлдеуімен жалғасады.
Осы кезде қыстың аяқталғанын білдіргендей қардың астынан қыс бойы жиналған қоқыс пен кір шығады. Сондықтан да, көктем айын күн шуағында санитарлық тазарту жұмыстарына шығуға шақырамын.
Қала тазалығына мекемелер ғана емес, қала тұрғындарының барлығы да жауапты.
Бүгінде құлпырып келе жатқан Қарт Қаратаудың одан да бетер гүлденіп, көркеюі үшін қолынан келген көмегін аянбайтын азаматтар қатары артып келе жатқаны қуантады.
— Қаламыздың шығыс беткейінде орналасқан ( Шанхай ) А.Иманов пен » Строительный » саяжайындағы Кеңес заманынан қалып қирандыға айналған ет комбинаты мен әскери бөлімше О.Жандосов көшесіндегі күл- қоқыс пен құрылыс қалдықтарын тазалау жұмыстары басталғанын тұрғындарға хабарлаймын.
Бүгін Ардагерлер кеңесінің мүшелері Қ.Қошанович , А.Байходжаев , Төбе би С.Әбсадықұлы Дүние жүзі қазақтар қауымдастығының өкілі К.Калжанов құраған құрметті қариялармен жұмыс барысын зерттеп, зерделеп қайттық.
«Қаратау Саябақтары » мекемесінің директорының орынбасары Б.Байболовқа ет комбинатымен қоса Автобаз ғимараттарының орнындағы тал дарақтарын балақтау , түптерін ақтауды тапсырдым.
Қаланың тазалығына көп көңіл бөле отырып , игілікке толы жұмыстарды жалғастырсақ Қаратаудың ажарланып көз тартар сұлу қалаға айналатынына сенімдімін.
Алдымызда мамыр айының мерекелі күндері — Қазақстан халқының бірлігі және Ұлы Жеңіс күні келе жатыр. Бұл мерекелерді көрікті, көшелер мен тазаланған аулаларда қарсы алайық. Баршамыз өскелең ұрпаққа үлгі болатындай іс жасап, үйімізге, ауылымызға, Отанымызға деген сүйіспеншілігімізді көрсетейік.
«Жұмыла көтерген жүк жеңіл» дегендей бір кісідей сенбілікке шығып, әрбір ауланы қоқыстан тазартып, ағаш отырғызып, гүлзарлар жасауға атсалысайық.
Біз өзіміздің қаламызды тазартуда, оның әркез таза болуына күш-қуаттарыңызды аямайтындықтарыңызға сенімдіміз!
Ендеше, баршамыз көктемгі сенбілікке шығайық!
Дархан Баймбетов, Қаратау қаласының әкімі
