Қаланың көркі-көше

Келген адам алдымен көше тазалығы мен оның жолына назар аударады. Биыл Қаратау қаласында 6 көшеге жөндеу жұмыстарын жүргізу жоспарланған болатын.

Қазіргі таңда Ә.Молдағұлова, Арыстанбаб, Бәйдібек Қарашаұлы, Байходжаев, Ы.Алтынсарин және І.Жансүгіров көшелерін асфальттау жұмыстары басталып кетті.

Одан бөлек, Қаратау қаласына оңтүстік бағыттан кіре беріс жолдың ( бұрынғы МАИ бекетінен Тараз қаласына баратын биікке дейін) 4 шақырымын асфальттальмақ. Жол жөндеу жұмыстарына «Тараз көлік жолы» ЖШС тарапынан 15 бірлік арнайы техника тартылған.

Сондай-ақ, қала көшелеріндегі талдар әктеліп, электр бағаналары мен көпірлердің темір қоршаулары сырланды.

Дархан Баймбетов, Қаратау қаласының әкімі