– Барша Қазақстан халқын 1 мамыр – Қазақстан халқының бірлігі күні мерекесімен шын жүректен құттықтаймын. Қазақстанда дүниеге келгеніме өте қатты қуанамын! Біз көпэтносты халық болғанымызбен, бәріміз бір шаңырақтың астында тату-тәтті өмір сүріп жатырмыз. Біз үшін бірлік – қасиетті ұғым. Бірлігіміз осылай жараса берсін!
Қазақстан халқы Ассамблеясының кезекті сессиясында Мемлекет басшысы Қасым-Жомарт Тоқаев мені «Шапағат» медалімен марапаттады. Шынымды айтсам, мұндай марапатқа ие болғаныма өте қуаныштымын. Қазақ тілін насихаттау үшін атқарған еңбегімнің бағаланып жатқанына ризамын! Осындай керемет орден алған кезде бойымды мақтаныш сезімі биледі. Елім үшін қолымнан келгенше еңбектеніп жатырмын. Бұл марапат алда бұдан бетер еңбектене түсуге құлшыныс береді екен. Бүгін ассамблеяның сессиясында бірінші рет Президентімізбен кездестім. Қуанышымды сөзбен сипаттап жеткізе алмаймын. Қазақ еліне мың алғыс! Қазақ елінің нығаюына, қазақ тілінің дамуына өз үлесімді қоса беремін!
Дайындаған:
Ә.ТІЛЕУЖАНҚЫЗЫ
https://turkystan.kz/article/221367-alina-kan-biz-ushin-birlik-kasietti-ugym/
