Алматы әкімдігі 1 маусымда азық-түлік пен сусындар тегін таратылады деген ақпаратқа түсініктеме берді

Алматы қаласының әкімдігі әлеуметтік желіде тағы бір фейк тарағанын ескертті, деп хабарлайды Stan.kz ақпарат агенттігі.

“Әлеуметтік желілер мен мессенджерлерде жалған ақпарат таралуда. Әйел дауысы арқылы таратылған аудио хабарламада ертең, 1 маусым Балаларды қорғау күніне орай іс-шаралар өтетін орындарда әкімдіктің балаларға тамақ, сусындар, тәтті тағамдар тарататнын, ойын-сауық қызметтер тегін ұйымдастырылатыны туралы жалған ақпарат тараған”, – деп мәлімдеді Алматы қаласы әкімдігінің баспасөз қызметі.

Әкімдіктің мәліметінше, бекітілген іс-шаралар тізбесі әкімдіктің ресми интернет-ресурсында жарияланған. Сондай-ақ бұқаралық ақпарат құралдарында жарияланады. Онда азық-түлікті, сусындарды және басқа да қызметтерді тегін тарату туралы айтылмаған.

https://stan.kz/almati-akimdigi-1-mausimda-azik-tulik-pen-susindar-tegi-365333/