Алматы облысында терминалдарға қызмет көрсететін ЖШС жұмысшысы терминалдардан екі миллионға теңгеге жуық қаржы ұрлады деген күдікке ілінді, деп хабарлайды Stan.kz ақпарат агенттігі.
25 қаңтарда ер адам жұмыс істейтін компания өкілдері полицияға арыз түсірген.
Оқиға орнына келген жедел-тергеу тобы Ақжазық ауылының 25 жастағы тұрғыны компанияда 2019 жылдан бері аймақтық техникалық маман болып жұмыс істегенін анықтады. Ол өз-өзіне қызмет ету терминалдарын инкассациялау және техникалық қызмет көрсетумен шұғылданған.
«2021 жылдың қыркүйек және қазан айлары аралығында күдікті 1 774 485 теңге ұрлаған. Жетіспеген қаржы тексеріс кезінде табылды», — деп мәлімдеді облыстық полиция департаментіндегілер.
Күдікті өз қылмысын мойындаған. Қаржыны материалдық қиындықтарға тап болған соң ұрлағанын айтты. Иемденген қаржыны жеке қажеттіліктеріне жұмсаған.
Қазір күдіктіге қатысты Қылмыстық кодекстің 189-бабы бойынша іс қозғалған.
