Тәртіп сақшылары Алматы облысындағы дәмханадағы жаппай улану оқиғасы бойынша қылмыстық іс қозғады, деп хабарлайды Stan.kz ақпарат агенттігі облыстық полиция департаментінің баспасөз қызметіне сілтеме жасап.
Зардап шеккендердің денсаулығына шағымдары Бесағаш ауылындағы дәмханалардың бірінде тамақ ішкеннен кейін түскені хабарланды.
«Ауруханаға 18 азамат, оның ішінде жас балалар медициналық көмекке жүгінген. Қажетті өнімдер тәркіленіп, сараптамалар тағайындалды. Олардың қорытындысы бойынша соңғы процессуалдық шешім қабылданады», — делінген хабарламада.
Тергеу Қылмыстық кодекстің 304-бабы «Санитарлық ережелерді немесе гигиеналық нормаларды бұзу» бойынша жүргізілуде.
https://stan.kz/almati-oblisindagi-damhanalardin-birinde-18-adam-ulanip-359717/
