Жеке сот орындаушысы Сағындық Хибатов Алматыдағы атыстан қаза тапқан әріптесі Мұрат Әбенов туралы айтып берді.
Сағындық Хибатов пен Мұрат Әбенов кейінгі 10 жылда бірге жұмыс істеген. Ер адам марқұм жұмыста үнемі сабырлы және мейірімді болғанын айтты. Оның айтуынша, Мұрат Әбеновтің бес баласы бар.
«Мен 2011 жылдың 28 тамызынан бастап жұмыс істеймін, Мұрат болса қыркүйегінде келді. Ол сондай ұзын бойлы, сымбатты жігіт, өте сауатты. Көп балалы әке, менің есімде, оның бес баласы бар. Ол — сабырлы, ұстамды, мәдениетті. Өкінішке қарай, ол қызметтік міндетін орындау кезінде қаза болды, бұл біз үшін үлкен шығын. Мен оның отбасына көңіл айтамын, өкінішті», – деп еске алды жеке сот орындаушысының әріптесі Сағындық Хибатов.
