Алматының Жетісу ауданында көлік электр бағанына соғылып, жүргізуші қаза тапты.
Алматы Полиция департаментінің мәліметінше, жол апаты 6 қаңтар сағат 16:00 шамасында болды.
– Daewoo автокөлігінің жүргізушісі Кудерин көшесімен солтүстік бағытта келе жатып, рульге ие бола алмай, жолдың шығыс жағына шығып кетіп, жарық бағанасының бетон тірегіне соғылды. Апат салдарынан жүргізуші алған жарақаттарынан оқиға орнында көз жұмды, – деп түсіндірді қалалық полиция департаментінің баспасөз қызметі.
Адам өліміне әкеліп соқтырған жол апаты бойынша сотқа дейінгі тергеу басталды.
фото: istockphoto.com
https://turkystan.kz/article/254150-almatyda-kolik-baganaga-sogylyp-zhurgizushi-koz-zhumdy
