Дәурен Жайсаңбаев отандық байланыс компаниясында антенна орнатушы болып жұмыс істейді. Бүлік басталған күні ол әдеттегідей жұмысына қарай шығып кетіп, үйіне қайтпаған. Жігіттің туыстары оны жер-жерден іздеп, аурухана мен мәйітханаға түспегенін анықтаған. Ұлының жағдайына алаңдаған анасы болса төсек тартып жатып қалған. Ал бүгін Дәурен отбасымен қауышты. Сүйінші хабарды журналист Гүлмира Әбіқай жеткізді.
«Кеше ғана бәріміз шарқ ұрып іздеген алматылық Дәурен Жайсаңбаев аман-есен табылды.
05/01 антенна орнатуға жұмысқа кетіп, содан ұшты-күйлі хабарсыз жоғалған жігіт қайда болды?
Айтуынша, ТИ-18 (СИ) тергеу кезегін күткен. Қамалған адам көп болғандықтан, өзінің қылмысқа, тонауға, бүлікке қатысы жоғын анықтау үшін бір апта өтіпті.
