Бүгін Сарысу ауданының әкімі Марат Сұлтанғалиев Халықаралық әйелдер күні қарсаңында, ауыл-аймақтағы бірқатар көпбалалы аналардың шаңырағында болып, мерейлі мерекелерімен құттықтап қайтты.
Аудан басышысы әуелі Игілік ауылының тұрғыны, тыл ардагері Базаркүл Қыдырбаеваның үйіне бас сұғып, ауданға сіңірген ерен еңбегі үшін қарт анаға арнайы Құрмет грамотасы мен мерекелік сый-сияпатты табыстады. Жеті баланы өмірге әкеліп, жеткізіп, одан жалпы саны 30 немере-шөбере сүйіп отқан абзал ана аудан әкіміне алғысын айтып, ақ батасын берді.
Сондай-ақ, Марат Қырғызәліұлы Байқадам ауылының тұрғыны, алты баланың анасы Перизат Алжанова мен жалғыз өзі 3 бананы жеткізіп отқан Нұржамал Абдигалиеваның шаңырақтарында болып, гүл шоқтары мен жеміс-жидекке толы себеттерді сыйға тартып, мерекелік көңіл-күй сыйлап қайтты.
Айта кетейік, күні кеше аудандық мәдениет үйінде өткен мерекелік салтанатты кеште, ел Президенті жарлығына сәйкес, жеті немесе алты бала туған және тәрбиелеп өсірген 8 анаға «Алтын алқа» мен «Күміс алқа» табысталды.
Сарысу ауданы әкімдігінің баспасөз қызметі
