Елімізде алтын құрсақты көп балалы аналарға мемлекеттік қолдаулар көрсетіліп, жыл сайын ана мен балаға деген қамқорлықтардың көлемі артуда.
Бүгін аудан әкімі Сәкен Мамытов көп балалы аналарды қабылдап, Қазақстан Республикасы Президентінің 2024 жылғы 21 қарашадағы №711 Жарлығына сәйкес, жеті және одан да көп бала дүниеге әкеліп, тәрбиелеп өсірген 10 алтын құрсақты аналарға «Алтын алқа» және алты бала дүниеге әкеліп, тәрбиелеп өсірган 22 анаға «Күміс алқа» төс белгісін салтанатты түрде табыс етті.
Отбасында көп бала тәрбиелеп, еңбек етіп, қоғамның және ел демографиясының дамуына үлес қосып келе жатқан аналар еңбегі әрқайсымыз үшін үлгі-өнеге екендігін айтып, мәртебелі дәрежелерімен құттықтады.
Өз кезегінде марапат иелері де көп балалы аналарға қолдау білдіріп, қамқорлық танытып отырған Мемлекет басшысы Қасым-Жомарт Тоқаевқа, аудан басшылығына алғыстарын айтып, ризашылықтарын білдірді.
