«AMANAT» партиясының Тараз қалалық мәслихатындағы депутаттық фракциясының кеңейтілген отырысы өтті.![]()
Басқосуға Тараз қаласының әкімі Бақытжан Орынбеков және «АМАNAT» партиясы Жамбыл облыстық филиалының төрағасы Дауыл Бейсенқұлов қатысты.
Жиында алғашқы болып сөз алған шаһар басшысы «AMANAT» партиясының Тараз қаласы бойынша Сайлауалды бағдарламасын іске асыру жөніндегі Жол картасының 2024 жылғы көрсеткіштерінің орындалу барысы туралы баяндады.![]()
– «AMANAT» партиясының Тараз қаласы бойынша Сайлауалды бағдарламасын іске асыру жөніндегі Жол картасы аясында қалада бірқатар жұмыс атқарылуда. Есепті кезеңде 62 көрсеткішке қол жеткізу көзделіп, оның 33-і орындалса, 14-і орындалу үстінде, 6-ауының жүзеге аспау қаупі бар.![]()
Атап айтсақ, ауыл шаруашылығы тауарын өндірушілер мен көтерме жеткізушілер арасында 17 меморандум жасалып, 21 жәрмеңке ұйымдастырылды. Сондай-ақ кәсіпкерлерді қолдау аясында шағын және орта бизнесте жұмыспен қамтылғандар санын 62 мың адамға дейін өсуін қамтамасыз ету жоспарланса, нақты 70 мың адам қамтылған. Жолдардың жақсы және қанағаттанарлық жағдайдағы үлесін арттыру көрсеткішіне келсек, 2024 жылға 45 шақырымнан кем емес қала ішіндегі жолдарды жөндеу көзделсе, биыл 95,3 шақырымды құрайтын 127 көше орташа жөндеуден өтіп, 165 көшеге шағал тас жол төселді. Атқарылған жұмыстардың нәтижесінде қанағаттанарлық жағдайдағы жолдардың үлесі 65 пайыздан 69 пайызға дейін артты. Сонымен қатар шаһарға 2023 жылы 73 бірлік жаңа автобуст жеткізілсе, биыл 155 автобус пайдалануға берілді. Осылайша межеленген жоспар артығымен орындалды.![]()
Бұған қоса Жол картасында электр, жылумен жабдықтау және кәріз желілерін жөндеу бойынша жыл сайын 2,5 шақырымнан астам жылу желісін күрделі жөндеу және реконструкциялау жұмыстарын жүргізу белгіленген болатын. Осы мақсатта ағымдағы жылы Сыпатай батыр, Төле би, Қ.Тұрысов көшелерінің бойындағы 4,6 шақырымды құрайтын «М-1» жылу магистралі қайта жаңғыртылды, – деген Бақытжан Әмірбекұлы өзге де салаларда атқарылған ілкімді істерді тілге тиек етті.
Келесі кезекте фракция мүшелері көкейдегі сауалдарын жолдап, тұшымды жауаптар алды.
Жиынды қорытындылаған Дауыл Ынтықбайұлы Жол картасын жүзеге асыру бағытында қала әкімдігімен бірлесе қолға алынған жұмыстар өз жалғасын табатынын жеткізді.
