Бүгін аудандық «Коворкинг» орталығында «Аналар аманаты-ұлт болашағы» атты мазмұнды кездесу өтті. Жиынға «Анаға тағзым» орталығының директоры, Жамбыл облысы ҚХА жанындағы Аналар кеңесінің төрайымы Эльмира Мырза-ғали, аудан әкімінің міндетін уақытша атқарушы Нұрлан Молдабеков, аудандық Аналар кеңесінің төрайымы Светлана Қожаназарова, аналар кеңесінің алқа мүшелері, ауылдық аналар кеңесінің төрайымдары қатысты.
Күн тәртібіндегі алғашқы мәселе бойынша «Аудандық аналар кеңесінің қызметі туралы» аудандық Аналар кеңесінің төрайымы Светлана Ерғалиқызы баяндама жасады.Күн тәртібіндегі екінші мәселе бойынша «Анаға тағзым» орталығының директоры, Жамбыл облысы ҚХА жанындағы Аналар кеңесінің төрайымы Эльмира Инятқызы сөз сөйлеп, аудан әкімдігінің ішкі саясат бөліміне аудандық аналар кеңесін құруды және аналарға 5 бағыт бойынша жұмысты күшейту қажеттігін айтты.Кездесуге қатысушылар өзара пікір алмасып, ұсыныстарын жеткізді. Аудан әкімінің міндетін уақытша атқарушы Нұрлан Оңғарбекұлы облыстан келген қадірменді қонақтарға алғысын білдіріп, келелі кездесу мен тұщымды ойлар қамтылған жылы жүздесу алдағы уақытта да жалғасын табатынын жеткізді.