Тұрғындар көтерген мәселеге облыс әкімінің орынбасары жауап берді
Бүгін «AMANAT» партиясы Жамбыл облыстық филиалының Қоғамдық қабылдау бөлмесінде облыс әкімінің орынбасары Қанатбек Мәдібек азаматтарды қабылдады.
Облыс әкімінің орынбасарының қабылдауына жазылған азаматтар баспана алуға көмек, тұрғын үй құрылысы үшін жер телімін алу, тұрғын үй сертификатын алу, көгілдір отын желісін тарту, тұрақты жұмыспен қамтамасыз ету бойынша мәселелер көтерді. Сондай-ақ, тұрғындар жер телімін алу мен тұрғын үй кезегі бойынша сұрақтарын қойды. Облыс әкімінің орынбасары Қанатбек Қайшыбекұлы көтерілген мәселелердің барлығы заң аясында шешілетінін жеткізді.