Облыс әкімі Бердібек Сапарбаев Шу ауданындағы жұмыс сапары барысында «Тараз Химиялық Паркі» арнайы экономикалық аймағына барып, қант зауытының құрылысымен танысты.
Бүгінде аталған экономикалық аймақтағы ең іргелі жобалардың бірі саналатын қант зауытының негізгі құрылыс жұмыстары басталуда.
Жобалық құны 91 миллиард теңгені құрайтын заманауи зауыттың қуаттылығы тәулігіне 8 мың тоннаға дейін қызылша өңдеуге жетеді.
Өз кезегінде облыс әкімі қант зауытының іске қосылуы аудандағы шаруашылықтардың жұмысына ерекше серпін беретінін атап өтті. Зауыт 2023 жылы толық қуатында іске қосылмақ.
