Ауру Киікті ауылдық округіндегі шаруашылықтан анықталған. Ауру жұқтырған 25 бас мал өртелді, – деп хабарлайды AstanaTV.
Дерт ошағына блокбекет қойылды. Жергілікті полиция мен ветеринарлар тәулік бойы күзетте тұр. Арнайы құрылған жедел штаб зарарсыздандыру жұмысын жүргізіп жатыр. Ауру ошағынан мал және мал өнімдерін, жем-шөп, құрал-жабдықтар тасымалдауға қатаң тыйым салынды.
Бірер ай бұрын да тұрғындар Шет ауданында мал жаппай ауруға шалдыққанын айтып дабыл қаққан еді. Ветеринарлар сол кезде сегіз жүздей ірі қарадан вирустық диарея және инфекциялық ринотрахеит белгілерін анықтаған. «Ал бұл жолғы дерт мүлде басқа», – дейді мамандар.
Аусыл өте жұқпалы, мал аузының кілегейлі қабаты, желіні мен аяқ терісі күлдіреп, түсіп қалады.
Қарағанды облыстық аумақтық инспекциясы жетекшісінің міндетін атқарушы Данияр Мерғазин: «Республикалық қордан ветеринариялық препараттар бөлініп, дезинфекция жасалып жатыр. Сонымен қатар ауру мал өртеліп жатыр. Мал иесіне нарықтық баға бойынша компенсация төленеді», – деді.
Бұған дейін солтүстікте құс тұмауы таралып, жұмыртқа бағасы шарықтап кеткен болатын.
https://aikyn.kz/179671/karagandy-oblysynda-mal-kyrylgannan-keyin-karantin-zhariyalandy/
