Қарағандыда жарылғыш зат туралы жалған ақпарат берген күдікті анықталды.

Қарағанды облыстық Полиция департаменті Экстремизмге қарсы күрес басқармасы қызметкерлері жүргізген жедел-іздестіру шаралары барысында жалған ақпарат берді деген күдікпен 29 жастағы ер адам анықталып, ұсталған.

«Ол өз ісін мойындап, айғақ зат ретінде ұялы телефон тәркіленді. Тергеу амалдары жүргізіліп жатыр», – делінген хабарламада.

Айта кетейік, 31 наурызда сағат 9.00-де «102» телефонына Қарағандыдағы Мұқанов көшесіндегі ХҚКО ғимаратына «жарылғыш зат қойылған» деген ақпарат түскен. Ғимараттан 31 адам эвакуацияланды. Ғимаратты қарау барысында ешқандай жарылғыш зат табылған жоқ.

https://aikyn.kz/190068/kazakstannyn-birneshe-kalasynda-bir-sette-zharylgysh-zat-koyylgany-turaly-habarlamalar-kelip-tusti/