Зардап шеккен жаяу жүргінші ауруханаға жеткізілді.
«21 тамыз күні сағат 22.00 шамасында Қарағанды қалалық полиция басқармасына хабарлама түсті. Сауда нүктелерінің біріне жақын жерде орналасқан көлік тұрағында ауыр зардаптарға әкеп соқтырған жол-көлік оқиғасы орын алған. Оқиға орнына жедел-тергеу тобы келді. 30 жастағы ер адам жаяу жүргіншіні әдейі қағып кеткен», – делінген полиция хабарламасында.
Салдарынан жаяу жүргінші әртүрлі дәрежедегі дене жарақатын алып, медициналық мекемеге жатқызылды. Жүргізуші жауапкершілікке тартылды.
«Оқиға орнында орнатылған бейнекамераның жазбасын зерделей келе, полицейлер жәбірленушіге соққы қасақана жасалған және аса қауіпті қылмыстық құқық бұзушылық сипатында деген қорытындыға келді», – деп хабарлады полицейлер.
https://stan.kz/karagandida-er-adam-zhayau-zhurginshini-kuip-zhurip-ade-369465/
