Желіде мектептегі сенбілік кезінде аула тазалап жүрген Қасым-Жомарт Тоқаевтың видеосы пайда болды. Президенттің жастық шағында, тура жарты ғасыр бұрын түсірілген роликті мемлекет басшысының баспасөз хатшысы Берік Уәли өзінің парақшасында жария етті деп хабарлайды KAZ.NUR.KZ.
«Осыдан тура 50 жыл бұрын таспаға басылып қалған құнды видеокадрлар. Алматыдағы №25 мектептің 10 сынып оқушылары сенбілікте жүр. Таныған да боларсыздар араларында қазіргі Президентіміз Қасым-Жомарт Кемелұлы да бар», – дейді Берік Уәли өз жазбасында.
