Қаратау қаласындағы «Орталық саябақта» өткен қалалық кеңесте бірқатар жобалар талқыланды.
Қала әкімі Дархан Баймбетов ағымдағы жылы атқарылған және алдағы жоспарланған жұмыстар туралы баяндады.
2023 жылы қаладағы 8 көшеге орташа жөндеу жұмысы жасалып, көше жарығы орнатылмақ.
Қаладағы 7 көпірді қайта жаңғырту жұмыстары қолға алынбақ.
«Орталық» саябақ, «Батырлар алаңы» және «Жастар» саябағын қайта жаңғырту жұмыстарын жүргізу жоспарлануда. Бұдан бөлек, Тұрар Рысқұлов көшесі бойынан балалар ойын алаңшасын салу, қаланың шығыс (А.Иманов көшесі бойындағы) және батыс (Городок дүкенінің артындағы) бөлігіндегі футбол алаңшаларын жаңарту, Д.Нүрпейісова көшесіне аллея салу сынды ауқымды шаруалар тағы бар.
Сонымен қатар қаланың шығыс бөлігінен (Тамды ауылынан) кіре берістегі ескі «Қаратау» стелласы жаңартылады.
Қала ішіндегі 4 арка жаңартылып, Б.Момышұлы көшесінің бойы суландырылады.
Тұрғын үй мәселесін шешу жолдары да қарастырылуда.
Талас ауданы әкімдігінің баспасөз қызметі
