2022 жылғы 31 наурызда Талас ауданы Қаратау қаласы, № 12 Өрт сөндіру бөлімінің «101» дабыл телефонына Александр есімді тұлғадан Жартас су қоймасының сарқырамасында белгісіз, шамамен 20-25 жастағы ер азаматтың суға батып кеткені туралы хабар түскен.
Оқиға орнына Қаратау қалалық жедел құтқару қызметінің құтқарушылары шығып, іздестіру жұмыстарына кіріскен.
Жалпы іздестіру жұмыстарына облыстық төтенше жағдай басқармасынан 5 адам,
2 техника, аудандық төтенше жағдай бөлімінен 8 адам, 2 техника, 2 қайық, жергілікті атқарушы органдардан 45 адам, аудандық полиция бөлімінен 8 адам, 2 техника және 21 волонтер қатысты.
Үстіміздегі жылдың 02 сәуір күні сағат 16:00-де облыстық жедел құтқару жасағының құтқарушылары суға кеткен адамның мәйітін тауып, аудандық полиция бөлімінің тергеу тобына тапсырды.
