Аргентиналық қарсыласын нокаутпен жеңген қазақ боксшы әлемдік рейтингте жоғарылады

Қазақстандық боксшы Сұлтан Зәуірбек (13-0, 9 КО)   аргентиналық Николас Ботеллиді (11-7, 6 КО) мерзімінен бұрын жеңгеннен кейін  Boxrec.com рейтингінде жоғарылады.

Лондондағы бокс кешінде Зәуірбек Ботеллиді бесінші раундта нокаутқа түсіріп, екінші жартылай жеңіл салмақта  рейтингте 64-орыннан 63-орынға көтерілді. Сондай-ақ Зәуірбек жекпе-жегі титулдық болады деп жоспарланған (ол WBO European чемпионы), бірақ Ботеллимен болған жекпе-жекте бұл белбеу сарапқа салынбады.

Бесінші раундта қарсыласын нокаутқа жіберген Қазақстан боксшысы осы жекпе-жекте мансабында бірінші рет нокдаунға түсті.