Гайандық Карлсон Харрис (17-5) Лас-Вегаста (АҚШ) өткен UFC Fight Night 200 турнирінде қазақстандық Шавкат Рахмановтан (15-0) нокаутпен жеңілуіне қатысты пікір білдірді.
«Мен сіздерге қолдауларыңыз бен маған деген сүйіспеншіліктеріңіз үшін алғысымды білдіргім келді. Бүгін менің кешім болмады, қарсыласымның алдында шляпамды шешемін. Осыдан кейін оралатыныма сенімдімін. Бұл жұмыстағы тағы бір сәтсіз күн болды. Махаббатыңыз үшін рақмет», — деді Харрис Instagram парақшасында.
Естеріңізге сала кетейік, Рахманов бірінші раундта Харристы нокаутқа жіберген болатын. Сонымен, Шавкат Рахманов UFC-де үш жекпе-жек өткізіп, үшеуінде де жеңіске жетті.
Шавкат бұл жеңісін «Қаңтар құрбандарына» арнайтынын айтты.
https://aikyn.kz/182686/onyn-aldynda-shlyapamdy-sheshemin/
