«Қарсыласының конькиі мойынын тіліп кеткен»: Англияда хоккей лигасында спортшы оқыс оқиғадан қаза тапты

Суретте Адам Джонсонның ойынындағы кадрлар

Ойын кезінде Шеффилд хоккейшісінің конькиі ойыншы Адам Джонсонның мойнына кесіп кеткен. Адам орнынан тұруға тырысқанымен қайтадан құлап қалады. Төреші хоккейшінің орнынан тұруына көмектеседі.

Оқиғадан соң екі команданың ойыншылары да бірден орындыққа жүгіріп дәрігер шақыруға тырысады. Адамды жарақаттаған қарсыласы не болғанын көріп, жақындауға батпай бетін ұстап, оқиға орнынан кетіп қалады.

Матч тоқтатылып, бірнеше минуттан кейін Шеффилд 8 000 жанкүйерінен «ауыр медициналық жағдайға байланысты» аренадан кетуді сұраған. Ал Адам ауруханаға жеткізілді.

«Көру өте қорқынышты болды. Адамдар жылап, есінен танып жатты», – деді қорқынышты эпизодтың куәгерлерінің бірі.

Алайда кейінірек клуб Адам Джонсонның көз жұмғанын хабарлады.

“Адам Джонсон кеше түнде Шеффилдте өткен матчта жан түршігерлік апаттан кейін қаза тапты. Ноттингем Пантерлері қатты күйзелуде. Клуб оны қатты сағынады және ешқашан ұмытпайды.

Адам, біздің 47 нөміріміздегі керемет хоккейші ғана емес, сонымен қатар тамаша командалас еді. Адамның отбасына, оның құрбысына және оның барлық достарына осы қиын уақытта көңіл.