Тасөткел ауылдық кітапханасында 1 қазан – Халықаралық қарттар күні мерекесіне орай «Қарттар ғұмырын құрмет ұзартады» атты кеш өтті. Кеш шымылдығы М.Мақатаевтың «Ана сен бақыттысың» атты өлеңімен ашылды. Аталған кешке саналы ғұмырларын елім деп, тынымсыз еңбектерімен атсалысқан апаларымыз шақырылды. Нұржамал Байтемірова, Гүлнар Сарсенбекова, Жамал Отарбаева және Күләш Жақыповалар әдемі кештің куәсі болды.
Т.Рысқұлов атындағы орта мектептің оқушылары С.Тоқтар, А.Қалқаман, Ж.Жамбыл, Ж.Тоқтар мерекелік көңіл-күй сыйлады. Сөз кезегін алған ардагерлер өздерінің жүрегінен шыққан өсиет сөздерімен бөлісіп, үлкенді сыйлау, оларға құрмет көрсету – салт-дәстүрден нәр алып өсуіне, инабаттылыққа, жақсы мен жаманды ажырата білуге аталы сөзден ғибрат алуға шақырды.
Лаура ЖАҚЫПОВА,
Тасөткел ауылдық кітапханасының кызметкері.
