Облыстық Қазақстан халқы Ассамблеясы мен «Нұр Отан» партиясы облыстық филиалы бірлесе қолға алған «Белсенді ұзақ өмір сүру» орталығының ашылу салтанаты өтті.
Негізінен жобаның мақсаты – қарт адамдардың өмір сүру сапасын арттыру және қоғамда қарттарға құрметпен қарауды қалыптастыру болып табылады. Ашылу салтанатына этномәдени бірлестіктердің басшылары мен мүшелері, ақсақалдар мен ардагерлер қатысты.
Орталықтың негізгі жұмысы «Қарт адамдардың бос уақытын ұйымдастыруға жәрдемдесу», «Салауатты жас», «Ұмытылмас көмек» және «Ұмтылмас батырлар» сынды төрт бағытта жүргізіледі. Одан бөлек қарияларға облыс әкімі аппаратының «Қоғамдық келісім»мекемесі, облыстық тілдерді дамыту басқармасының «Тілдерді оқыту орталығының» қызметкерлері мен студенттер арасынан еріктілер дәріс өткізетін болады.
Қазіргі таңда орталықта 80-ге жуық қарт бар. Олар түрлі сабақтарға қатысып, облыстық Қазақстан халқы Ассамблеясының жұмыстарына белсене атсалысуда.
Айта кетсек, орталық «Ардагерлерді ардақтайық» жобасы аясында жүзеге асырылуда.
«Ұлы шаңырақ»-ақпарат
