Елордада жас отбасы арзан бағада тур аламыз деп алаяққа алданды, — деп хабарлайды Massaget.kz тілшісі.
Астанада қала тұрғындары шет елге жалған билет сатты деген айыппен полицияға арыз түсірген. Күдікті жәбірленушілерге екі есе арзан бағада Египетке әуе билеттерін сатқаны мәлім болды. Жас отбасы әлеуметтік желі арқылы ең арзан турды тапқандарына қуанып, ойланбастан онлайн төлем жасаған.
Алаяқ төлемді алған соң жалған әуе билеттерін жіберген. Оған мән бермеген ерлі-зайыпты әуежайға келгеннен кейін ғана алданғанын түсінеді.
«Шығын көлемі шамамен бір жарым миллион теңге болған. Нұра ауданының криминалдық полиция қызметкерлері жедел іздестіру іс-шараларының нәтижесінде алаяқтық жасаған әйел адамды анықтап, қолға түсірді. Тергеу кезінде күдікті бір ғана адамды алдамағаны белгілі болды», — деп жазылған хабарламада.
Күдікті уақытша ұстау изоляторына қамалды.
Фото: depositphotos.com
https://massaget.kz/news/arzan-bagada-tur-alamyiz-degen-astanalyiktar-alayakka-123237/?fbclid=IwY2xjawHoiSpleHRuA2FlbQIxMQABHczIcRYOF0qT_G-5HfK0LM3RnrhkAyQl-t4EKq4PP-n2FMTx8sb2rznpxg_aem_6bUBWTNRGVBOXoYpEbc8Dw
