Жамбыл облысы бойынша ҚАЖ департаментіне қарасты ЖД-158/5 мекемесінде жазасын өтеуші сотталған азаматтар Астана күнін атап өтті. Бұл күні мекеме маңындағы арнайы сахнада мерекелік концерт өтіп, онда өнерге бір табан жақын жандар өнер көрсетті. Сотталғандар арасында жиналғандарды өз өнерімен тәнті еткендері де болды.
Салтанатты шараның ашылу салтанатында сөз алған мекеме бастығы әділет майоры Равшан Ахметов көпшіліктің мерекемен құттықтап, ән байқауында қатысушыларға сәттілік тіледі. Ал концерттік бағдарламадан кейін мекемеде жазасын өтеп жатқан сотталғандар арасында спорттың бірнеше түрінен жарыс өтпек.
М.Маханов,
ЖД-158/5 мекемесінің САТӘПЖБ бастығы әділет капитаны
