Жәбірленушінің салған тіссауыттары түсіп қалған.
К есімді келіншек Астана қаласының азаматтық істер жөніндегі ауданаралық сотына жүгініп, тіс емханасының қызметіне шағым түсірген, деп хабарлайды turkystan.kz.
Жәбірленуші тіс емханасына төлеген ақшасын қайтарып, моральдық шығынды өтеуді талап еткен.
Талапкер тіс емханасымен тіс емдеу, имплантанттар мен тіссауытты орнату туралы шарт жасасқан.
Тіссауыттар орнатылып, олардың сапасына кепілдік берілген. Алайда, бір айдан кейін тіссауыттар түсіп қалған.
Талапкер кепілдік мерзімі ішінде емханаға қайта жүгінген, алайда қызметтер көрсетілгеннен кейін оның жағдайы тек нашарлай түскен. Қабыну әрекеттері пайда болып, қосымша медициналық қызметке жүгінуге мәжбүр болған.
Сот отырысы барысында стоматологиялық қызметтің дұрыс көрсетілмегені анықталды.
Емхананың іс-әрекеті мен талап қоюшының денсаулығының арасындағы себеп-салдарлық байланыс сарапшы қорытындысымен расталды.
Жауапкер сарапшылардың қорытындысын жоққа шығаратын дәлелдер ұсынбады.
Сот іс материалдарын зерделеп, талап қоюшының талабын қанағаттандырды.
Емхана көрсетілген қызмет үшін төленген соманы қайтаруға және моральдық шығынды өтеуге міндетті.
Соттың шешімі заңды күшіне енді.
фото: istockphoto.com
https://turkystan.kz/article/254971-astana-turgyny-tis-emkhanasyn-sotka-berip-zhenip-shykty
