Астанада вандалдардың суреті шолу дөңгелегі (колесо обозрения) арқылы көрсетілетін болады, деп хабарлайды Ulysmedia.kz.
МӘН-ЖАЙ
Астанадағы биіктігі 65 метрлік басты шолу дөңгелегінде вандализм әрекеттерін жасаған адамдардың суреттері көрсетілетін болады.
— Бұл әдіс қоғамның назарын қалалық мүлікті бүлдіру мәселесіне аударуға бағытталған. Қалада вандализмге және бөтен мүлікті зақымдауға қарсы күрес жұмыстары күшейтілген түрде жүргізілуде. Құқық қорғау органдарының өкілдері қалалық билікпен бірлесіп, осындай құқық бұзушылықтарды анықтау мен алдын алу шараларын белсенді түрде іске асырып жатыр, дейді әкімдік өкілдері.
Әкімдік мәліметінше, вандализмнің алдын алу шаралары қалалық прокуратура мен полиция департаментімен бірлесіп жүргізіліп жатыр.
СТАТИСТИКА
2025 жылдың басынан бері 25 адам вандализм үшін жауапқа тартылды: олардың 11-іне айыппұл салынса, 14-і әкімшілік қамауға алынған.
Өткен жылы вандализм үшін жауапқа тартылғандар саны 350-ге жуық болды. Вандализм үшін әкімшілік және қылмыстық жауапкершілік қарастырылған. Мұндай әрекеттер үшін айыппұл, келтірілген залалды өтеу немесе тіпті қамауға алу жазасы қарастырылған.
видео кадры
https://qaz.ulysmedia.kz/news/26776-astanada-vandaldyn-sureti-duiim-zhurtka-korsetiledi/?fbclid=IwY2xjawIyZiRleHRuA2FlbQIxMQABHW80QWHuxY35nXXCqfwhqJbULtbMlbNpCLonkBQ6sWy0S8Nt-58c6ZudRw_aem_mKPzxb465y92O3YsgH4s5A
