Астанадан арнайы шақыртылған маманның қатысуымен атыраулық дәрігерлер ауыр халдегі жүкті әйелдің өмірін сақтап қалды, деп хабарлайды AtyrauPress тілшісі.
Облыстық перинаталдық орталық, облыстық аурухана және жаурулар ауруханасының дәрігерлері бірігіп, Астанадан арнайы шақыртылған маманның қатысуымен ауыр жағдайда түскен жүкті әйелге шұғыл көмек көрсетіп, өмірін аман алып қалды. Облыстық денсаулық сақтау басқармасынан білгеніміздей, 18 қаңтарда дене қызуы көтеріліп, тыныс алуы қиындаған әйел ауруханаға жеткізілді. 21 қаңтарда жағдайы күрт нашарлап, дәрігерлер шұғыл кесар тілігін жасады. Бала аман-есен дүниеге келді.
24 қаңтарда ішкі қан кету анықталып, әйелдің өмірін сақтап қалу үшін тағы бір ауыр ота жасалды. 8 сағаттан астам уақытқа созылған операцияға Облыстық перинаталдық орталығының, Облыстық аурухананың, Жұқпалы аурулар ауруханасының үздік хирургтары, гинекологтары, реаниматологтары және санитарлық авиация мамандары қатысты. Науқастың жағдайын тұрақтандыру үшін күнделікті консилиумдар өткізіліп, емдеу тактикасы қарастырылды. Оған қоса, Астанадан арнайы маман шақырылып, күрделі жағдайды бақылауға алды. 16 күн жансақтау бөлімінде қарқынды ем қабылдаған әйелдің жағдайы тұрақталып, жалпы бөлімге ауыстырылды.
Бүгінгі таңда ана мен бала үйге шығарылды, жағдайлары жақсы. Атырау облысының білікті мамандары жедел әрі үйлесімді әрекет етіп, ана мен баланың өмірін сақтап қалды.
Амандық САҒЫНТАЙҰЛЫ
ФОТО АҚПАРАТ ТӨМЕНДЕГІ СІЛТЕМЕДЕН АЛЫНДЫ:
https://atpress.kz/kk/news/densaulyq/astanadan-atyrauga-kelip-zh-kti-jeldi-mirin-sak-tap-k-aldy?fbclid=IwY2xjawIjF1pleHRuA2FlbQIxMQABHRPchXYT0JmPI0RZj20oA95FShgvLh-3F2mAI44Cf0YPsHKcS7Pqrnrm0A_aem_l4ezZI3HskBD70PbllB9pA
