Қазақстан Президенті Қасым-Жомарт Тоқаев АҚШ Президентінің Оңтүстік және Орталық Азия бойынша арнайы өкілі Серджио Гор және Мемлекеттік хатшының бірінші орынбасары Кристофер Ландаумен кездесті, деп хабарлайды Ozgeris.info сайты Ақордаға сілтемемен.
Кездесуде Қазақстан мен АҚШ арасындағы кеңейтілген стратегиялық серіктестікті дамыту мәселелері, сондай-ақ Вашингтонда өтетін C5+1 форматындағы саммитке дайындық талқыланды.
Мемлекет басшысы АҚШ Президенті Дональд Трампқа саммитке шақырғаны үшін ризашылығын білдіріп, кездесудің ұзақмерзімді ынтымақтастықтың негізгі басымдықтарын айқындауда маңызды рөл атқаратынына сенім білдірді.
«Қазақстан АҚШ-пен сауда-экономикалық және инвестициялық әріптестікті жаңа деңгейге көтеруге мүдделі», – деді Тоқаев.
Серджио Гор АҚШ Президентінің жылы лебізін жеткізіп, Орталық Азияның Америка үшін стратегиялық маңызды аймақ екенін атап өтті. Тараптар энергетика, сирек металдар, цифрландыру, көлік және логистика салаларындағы ынтымақтастықты талқылады.
ФОТО АҚПАРАТ:
https://ozgeris.info/kz/article/qasym-jomart-tokaevqa-aqsh-prezidenti-tramptyn-salemi-jetkizildi.html
