Қатыгездікті насихаттауға тыйым салады: Тоқаев жануарлар туралы заңға қол қойды
Мемлекет басшысы «Жануарларға жауапкершілікпен қарау туралы» Қазақстан Республикасының заңына қол қойды», — делінген Ақорданың ресми хабарламасында.
Бұған дейін жануарларды қорғау туралы заң Қазақстан президентінің қол қоюына жіберілгені хабарланған болатын.
“Заң жобасы барлық бұқаралық ақпарат құралдарында жануарларға қатыгездікті насихаттауға және мұндай үгіт-насихаттың кез келген түріне тыйым салады. Жануарлардың иелерінің міндеттері жануарларды күтіп-баптау, есепке алу, тасымалдау, өсіру және өлтіру бойынша белгіленеді. Заң жобасына сәйкес, 2023 жылдың 1 қыркүйегінен бастап иелерінің қаражаты есебінен үй жануарларын міндетті түрде есепке алу енгізіледі. Бұл ретте халықтың әлеуметтік осал топтарына жататын үй жануарларын есепке алуды бюджет қаражаты есебінен жүргізу ұсынылып отыр”, – деді Қазақстан Республикасының экология, геология және табиғи ресурстар министрі Серікқали Брекешев.
Тоқаев сондай-ақ «Қазақстан Республикасының Әкімшілік құқық бұзушылық туралы кодексіне жануарларға жауапкершілікпен қарау мәселелері бойынша өзгерістер мен толықтырулар енгізу туралы» заңға қол қойды
