Жылыой ауданында іздестіру-құтқару жұмыстары сәтті аяқталды, деп хабарлайды AtyrauPress тілшісі.
26 ақпанда сағат 22:15-те құтқару қызметінің байланыс бекетіне 1976 және 1999 жылы туған ер азаматтар далалықта көліктері бұзылып, адасып қалғандарын хабарлаған. Облыстық ТЖД мәлім еткендей, жоғалған адамдар Құлсары қаласынан 50 км қашыктықта орналасқан “Адай молла” жер атауынан Құлсары қаласына бағыт алып, адасып қалған. Құтқарушылар шақырту түскен уақыттан бастап дереу іздестіру-құтқару жұмыстарына жұмылдырылды. Іздестіру жұмыстары сәтті аяқталып, Жылыойлық құтқарушылар жоғалған екі адамды екі сағатта тауып, Құлсары қаласына эвакуациялады. Табылған азаматтардың айтуынша Құлсары қаласына көлікпен шығып, орта жолда көліктері бұзылып, бірнеше км жолды жаяу жүрген. Медициналық көмек қажет етпеді. Іздестіру жұмыстарына Жылыой ауданынан үш құтқарушы, бір Трэкол автокөлігі жұмылдырылды.
Амандық САҒЫНТАЙҰЛЫ
https://atpress.kz/kk/news/atyrauda/atyrau-oblysynda-zhogalgan-adamdar-tabyldy-3?fbclid=IwY2xjawItOClleHRuA2FlbQIxMQABHTDYA4dP1k0oj4_cj8OjF8nzlp4tymeht80NCgBeIzzhx52E9fpPxls2kg_aem_iH8FKw3ldDlRRZFP7j4sDw
baq.kz
