Танымал блогер Мұрат Әбділдә сөзін жазған “Шағала” әні санаулы күннің ішінде хитке айналып үлгерді. Оның әнін 15 күннің ішінде 1 миллионнан астам адам тыңдаған.
Мұрат Әбділдә тікелей эфир арқылы ән айтып, көпшілікке танылған болатын, деп хабарлайды Экспресс К.
Атышулы блогер Мұрат Әбділдә сөзін жазған «Шағала» әні алғаш рет отандық веп-сериалдардың бірінде орындалды. Сол-ақ екен, әннің де, әншінің де бағы жанып шыға келді.
Санаулы күннің ішінде жаңа шығарманы 1 232 337 адам тыңдаған. Мәтінді блогердің өзі жазыпты. Қазір бұл әнге түрлі видеолар түсіріп, желіге жүктеп жатқандар жетерлік.
Ал желі қолданушылары: «Жарайсың Мура, өсе бер!», «Керемет ән, сөзі де жақсы шыққан», «Жүз рет тыңдадым, сәтті шыққан туынды», — деп түрлі пікір жазып жатыр.
https://exk.kz/kk/news/120138/atyshuly-murat-bdildnin-ni-az-kundie-nagyz-khitkie-ainaldy-vidieo
