Талас ауданының әкімі Қанатбек Мәдібек «Амангелді Газ» ЖШС-нің жұмыс барысын зерделеу мақсатында кен орнында болды.
Жылдық өндіріс көлемі 379 млн.текше метрді құрайтын газ кеніші 2003 жылы іске қосылған.
Бүгінгі күнге «Амангелді Газ» ЖШС-де 5 кен орны орналасқан.
Оның 3-уі (Амангелді, Айрақты, Жарқұм) Талас ауданына тиесілі. Аталған 3 кен орнында 51 ұңғыма болса, оның бүгінгі күнге іске қосылғаны – 38.
Кәсіпорын 2021 жылы жергілікті бюджетке салық және басқа да аударымдар бойынша 324,5 млн теңге құйған. Мұнда бүгінгі таңда жұмысшылар 2 ауысыммен істеуде, 1 ауысымда 111 адам қызмет етеді.
Өндірістік кен орны бөлімінің басшысы Оспан Махановтың айтуынша кәсіпорын жұмысы қалыпты. Ешқандай да өзекті мәселе жоқ. Жұмысшылардың барлығы коронавирустық инвекцияға қарсы вакцинациялаудан өткен. Ревакцинация жұмыстары да кезегімен жүргізілуде. Ал биылғы жылы кәсіпорын тағы да 4 ұңғыманы іске қосуды жоспарлап отыр.
Талас ауданы әкімдігінің баспасөз қызметі
