Аудан басшысы Қанатбек Мәдібек Талас ауданы бойынша бүгінгі күнге жеткен жалғыс соғыс ардагері Мария Бурулеваны Ұлы Жеңістің 77 жылдық мерекесімен құттықтады. 1926 жылы дүниеге келген Мария Лаврентьевна майдан даласына 1944 жылы аттаныпты. Ол онда медбике ретінде жау оғынан жараланған талай солдаттың қайта сапқа қосылуына үлес қосқан. Соғыстан кейінгі жылдары Қаратау қаласындағы сүт зауытында ұзақ жылдар еңбек еткен. Қанатбек Қайшыбекұлы ардагерге соғыстағы ерлігі және бейбіт өмірдегі еңбегі үшін алғысын білдіріп, зор денсаулық тіледі.
Талас ауданы әкімдігінің баспасөз қызметі