Наурыз мерекесін жаңа сипатта атап өтудің онкүндігіне орай, 16 наурыз – Мәдениет және ұлттық салт-дәстүр күні болып белгіленді.![]()
Бұл күн мәдениетімізді, өнеріміз бен ұлттық құндылықтарымызды насихаттауға арналады. Халқымыздың салт-дәстүрі, әдет-ғұрпы мен жөн-жоралғысы, төл мәдениетіміз насихатталады.![]()
Осы мерекеге орай, ауданда мәдени шаралар көптеп ұйымдастырылуда.
Бүгін аудандық мәдениет үйінде ата-бабаларымыздан қалған салт-дәстүр саналатын «Тұсаукесер» рәсімі өтті. Аталған шараны аудан әкімі Сәкен Мамытов тамашалап көрді.
Шара барысында аудан әкімі Сәкен Үмбетұлы бір жасар Ильяс есімді сәбидің тұсауын кесіп, алғаш басқан қадамына сәттілік тіледі. Жиналғандарды мерекемен құттықтады.![]()
Ауданымыздың қариялары Серік Аппазов, Жұмәлі Орымбаев құттықтау сөз сөйлеп, батагөй қария Шәріпбек Қалжанов аталық ақ батасын берді.
Өз кезегінде Ильястың әкесі Ерлан Қожабеков сөз алып, аудан басшысына алғысын білдірді.
Сарысу ауданы
