Су шаруашылығы қызметкерлерінің күні кәсіби мерекесіне орай аудан әкімі қабылдау өткізді.
Қазақстан Республикасы Үкі¬метінің 2017 жылғы 31 қазандағы №689 қаулысымен 9 шілде «Су шаруашылығы қызметкерлерінің мерекесі» болып бекітілген.
Жалпы су тіршілік көзі екендігі баршамызға белгілі. Бірақ қазіргі уақытта әсіресе ағын су тапшылығы, оған қажеттілік өте қатты сезілуде. Аудан аумағындағы егіс алқаптар, дәнді-дақылдар, бақтар, барлығына су қажет. Сондықтан да, ауданымыздағы кейбір шаруа қожалықтар су үнемдеу технологияларын ұтымды қолданып, нәтижесін көруде. Қазір осы бағытта ауданда көптеген ауқымды жұмыстар тақарылуда. Мәселен, үш үлкен су қоймаларының құрылысы жүруде. Сонымен қатар, 46 ұңғыманың жұмысы аяқталуға жақын. Су каналдары да жаңартылу үстінде. Аудан әкімі жиын барысында уақыт талабына сай аудан тұрғындары кезең кезеңімен су үнемдеу технологияларына көшудің қажеттілігі бар екенін айтып өтті.
Сонымен қатар, аудан аумағында негізгі ағын су жеткізуші мекеме «Қазсушар» РМК Жамбыл филиалының Меркі өндірістік бөлімшесі қызметкерлерін айтулы мерекемен құттықтады.
– Ауданда суды реттеу, егістік жерлерге жеткізу, жалпы айтқанда шаруаларға су жеткізу жолында Сіздердің бұл саладағы атқарған істеріңізді жақсы білеміз және бағалаймыз. Сіздердің қажырлы еңбектеріңіз, атқарып жатқан істеріңізге алғысымды білдіремін. Осындай мерейлі күні мықты денсаулық, отбасыларыңызға бақ-береке және істеріңізге толағай табыстар тілеймін!-деді аудан әкімі.
Кәсіби мереке қарсаңында бірнеше сала қызметкерлерін марапаттап, Алғыс хаттар табыс етті.
Атап айтсақ, «Қазсушар» Жамбыл филиалы Меркі өндірістік бөлімшесінің күзетшісі Тайманбетов Жайлау Қалықұлы, «Қазсушар» Жамбыл филиалы Меркі өндірістік бөлімшесінің гидротехнигі Үмбетов Сүндет Ізбасарұлылар аудан әкімінің Құрмет грамотасы, «Қазсушар» Жамбыл филиалы Меркі өндірістік бөлімшесінің су реттеушісілері Әбдіқұл Нұрболат Мұратханұлы, Сахов Мейірбек Сүлейменұлы, Ақтайбеков Ерзат Талғатұлына Алғыс хат табыс етілді.
