Ауданда асыл тұқымды 28 783 қой бар

Қазіргі таңда ауданда асыл тұқымды қой өсіретін 17 шаруашылық болса, ондағы қой саны  28 783-ге жеткен. Өңірде асыл тұқымды мал негізінен отандық шаруашылықтардан сатып алынған. Айталық, 2018 жылы «Амина» шаруа қожалығы алынған несиеге 75 бас мүйізді ірі қараны Ресей Федерациясынан алып келген. Ал 2019 жылы «Ербол» шаруа қожалығы алынған несиеге 72 бас Сементал тұқымын алған. Сол жылдың  басында «Нұркен» шаруа қожалығы өз қаражатына 388 бас қазақтың құйрықты қылшықты қойын әкелсе, «Джорабек» шаруа қожалығы өз қаражатына 430 бас асыл тұқымды Еділбай қойын жеткізген.   Былтырғы жылдың басында «Шу-даму» шаруа қожалығы «Сыбаға» бағдарламасы аясында 104 бас асыл тұқымды қазақтың ақбас сиырларын сатып алса,  «Бала-Жайсан» шаруа қожалығы өз қаражатына дәл осындай асыл тұқымды мүйізді ірі қараның 126 басын  әкелген. Сонымен қатар ағымдағы жылдың «Орынбек» ЖШС өз қаражатына 45 бас Зеңгі баба тұқымын сатып алған.