10 қазан – Қазақстан Кәсіподақтары күні мерекесіне орай аудан әкімі Әлихан Балқыбеков бірқатар азаматтарды қабылдады.
Қабылдауда аудан әкімі кәсіподақ төрағаларын айтулы күнімен құттықтады.
-Кәсіподақтардың басты мұраты, негізгі мақсат — мүддесі бұл – еңбек ұжымдарындағы тұрақтылықты сақтау, жалпы жұмысшы мен жұмыс берушінің арасындағы алтын көпір ретінде өз функциясын орындау болып табылады. Азаматтық қоғамның тірегі болғандықтан, мемлекеттік саясатты одан әрі дамыту барысында, Президентіміздің ұстанған саясатымен өз тарапымыздан алға қойған мақсаттарымызды жүзеге асыру үрдісін жалғастыруға міндеттіміз. Еңбек адамының құқықтарын қорғау, еңбек ұжымдарымен әлеуметтік әріптестікті қалыптастыру бағытында атқарып жатырған тынымсыз еңбектеріңізге табыс тілеймін!- деді аудан басшысы Әлихан Балқыбеков.
Содан соң ауданның әлеуметтік экономикалық дамуына қосқан қомақты үлесі үшін аудан әкімінің алғыс хатымен «Мойынкұм аудандық кәсіпкерлік және ауылшаруашылық қызметкерлерінің біріккен жергілікті кәсіби одағы» қоғамдық бірлестігінің төрағасы Бәкен Бейсебаев, «ҚСБ ж ҒҚ Жамбыл облысы білім және ғылым қызметкерлерінің жергілікті кәсіптік одағы» ҚБ Мойынқұм аудандық кәсіподақ комитеті филиалының төрағасы Бақтияр Махамедов, Мемлекеттік, банк мекемелері және қоғамдық қызмет көрсету қызметкерлерінің аудандық кәсіподақ комитетінің төрағасы, Мойынқұм аудандық мәслихат аппаратының басшысы Ұлан Әліпбеков, «SENIM» Денсаулық сақтау жүйесі жұмыскерлерінің салалық кәсіптік одағы» РҚБ-нің Мойынқұм аудандық бастауыш кәсіподақ ұйымының төрағасы Сұлтан Таласовтарға табыс етті.
Қабылдауда кәсіподақ төрағалары өздеріне көрсетілген құрмет үшін аудан әкіміне алғыстарын білдірді
