Бүгін аудан әкімдігінің ішкі саясат бөлімінің ұйымдастыруымен аудандық мәдениет үйінің фойесінде үстіміздегі жылдың 25 қарашасы мен 10 желтоқсан аралығында еліміз бойынша «Зорлық — зомбылыққа қарсы 16 күн белсенділік» республикалық акциясы аясында жоспардағы алғашқы іс шара бастау алды.
Күн тәртібіндегі алғашқы мәселе бойынша «Отбасы қолдау орталығының» маманы Қанағат Бақкулиева баяндама жасады.
Күн тәртібіндегі екінші мәселе бойынша аудандық полиция бөлімінің отбасы тұрмыстық зорлық — зомбылыққа қарсы күрес тобының инспекторы, полиция лейтенанты Алмас Бегалиев отбасы құқығын қорғау туралы Заң аясында қысқаша тоқталып өтті.
Күн тәртібіндегі үшінші мәселе бойынша «Жастар ресурстық орталығы» КММ-нің директорының міндетін атқарушы Жансая Қыстаубаева жас отбасыларға арналған түрлі қолдаулар туралы жан — жақты ақпарат берді.
Күн тәртібіндегі төртінші мәселе бойынша мемлекеттік қызмет саласының ардагері Әсия Тойшыбекова отбасы құндылықтары туралы кеңінен айтып өтті. Сарысу аудандық аналар алқасының мүшесі Үміт Бакенова тұрмыстық зорлық — зомбылықтың қоғамға тигізер зардаптары туралы тұщымды ойлармен бөлісті. Кездесуде күн тәртібіндегі барлық мәселелер жан жақты талқыланып, қатысушылар өзара пікір алмасты. Аталмыш акция алдағы уақытта да жалғасын табатын болады.
Дариха Үмбетиярова, Сарысу ауданы
