Ағымдағы жылғы ақпанны 24 — і мен 28 — і аралығында Жамбыл облысы, Байзақ ауданы, Ақжар ауылында бокстан Лондон — 2012 Олимпиадасында Қазақстанның намысын қорғаған, Әлемнің және Азия құрлығының күміс жүлдегері Ғани Жайлауовтың жүлдесіне арналған жасөспірімдер арасында облыстық турнир өткізілді. Ол жарысқа еліміздің көптеген облыстарынан қатысқан ұлдарымызбен қатар қыздарымыздыңда қайсарлығын тамашалап, тәнті болдық.
Біздің шалғайдағы Ақжар ауылы, жалпы спортқа қатысушылар не ұттық. Біріншіден: Ауылда өркениетті жарыстарды ұйымдастыруға болатынын, санитарлық талаптарды сақтай отырып жарысты ұтымды ұйымдастыруға болатынын көрдік;
Екіншіден: Ауыл жастарына әлем деңгейіндегі спортшыларды таныстыра отырып, олардың спортқа деген құлшыныстары артты;
Үшіншіден: Ауыл жастарының салауатты өмір салтын ұстанып, бос уақыттарын тиімді пайдалануға деген құлшынысы артты;
Төртіншіден: Үлкен Алматы, Шымкент, Қарағанды сияқты қалалардан келген жастарға қаймағы бұзылмаған ауыл өмірімен танысып, ауылға бет бұру қажеттігі насихатталды.
Бесіншіден: Осы жарысқа қатысушы Жамбыл облысының боксшылары командалық есеп бойынша бірінші орынға ие болды. Бұл жетістіктер алдағы уақытта ауыл жастарының спортқа деген құлшынысын арттуына себепкер болады.
Ақжар ауылындағы осынау үлкен жарысты ұйымдастырушы, Жамбыл облысы әкімдігінің дене шынықтыру және спорт басқармасы, Ғани Жайлауовқа, әлем чемпионы Біржан Жақыповқа және осы спортшылардың биік жетістікке жетуіне тікелей еңбегін сіңірген жаттықтырушы Дәмір Буданбековке және қатысқан барлық әлем деңгейіндегі спортшыларға алғысымды айта отырып, алдағы уақытта осындай жарыстарды көптеп ұйымдастырсаңыздар деген тілегім бар.
