![]()
Елді мекендерді аралауым Соғанды ауылында жалғасын тапты.
Елді мекендерді аралауым Соғанды ауылында жалғасын тапты.Ауылдың аудан орталығынан шалғай орналасқанына қарамастан мұнда тұрғындардың қолайлы өмір сүруіне қажетті жағдайдың барлығы жасалған.
Мәселен, ауылға барар жол мен ауылішілік көшелерге түгелдей асфальт төселіп, биыл ауылға көгілдір отын кіріп, заманауи мектеп пен амбулатория, жаңа мешіт бой көтерген.
Ауылдың тынысын бақылап, тұрғындармен тілдестім. Өзеннен өтетін көпір мәселесі сөз болды. Мәселені зерделеу мақсатында жауаптыларға тиісті тапсырмалар жүктедім.
Осыдан кейін, жаңа жолдың жиегінде орналасқан «Қалдыбай тегі» шаруа қожалығына ат басын бұрдық.
Гаухарбек Мәмбетәлиев басшылық ететін шаруа қожалығы биыл қырық гектар жерге жүгері отырғызыпты.
Тамшылатып суғару технологиясын барынша қолданып отырған қожалық мемлекет тарапынан берілген қолдауларға алғысын айтты.
Сапарымыз Сарыбұлақ ауылында жалғасып, онда «Благовещенка» ЖШС-нің көктемгі дала жұмыстарымен таныстым.
Серіктестік басшысы Омирали Варшакидзе атқарылып жатқан жұмыстар легін, мемлекет тарапынан түсіп жатқан қолдаулар мен жоспарлы жұмыстарын атап өтті.
Мәден Мұсаев,
Қордай ауданының әкімі
